Тренерот на Баерн Минхен, Пеп Гвардиола, решил да го продолжи договорот со клубот, а тоа официјално ќе биде потврдено во најскоро време. Новиот договор на шпанскиот стратег ќе биде на две години, а платата ќе му неверојатни 24 милиони евра по сезона.
Актуелниот договор на Гвардиола е до крајот на оваа сезона. Челниците на баварскиот гигант се презадоволни од работата на стратегот. Баерн е доминантен во германската Бундес-лига и речиси нема противник кој може да му парира за титулата. Тимот игра одлично и во Лигата на шампионите.
За Гвардиола се интересираат неколку екипи, меѓу кои најзагреан беше англискиот премиерлигаш Манчестер Сити. Сепак, доколку му понудат 24 милиони евра по сезона, јасно е дека еден од најдобрите тренери во светот ќе остане верен на „Алијанц арена“.