На гала вечера во Барселона беа доделени годишните награди за најдобрите поединци и екипи во изминатата година во шпанската Примера.
Како што се очекуваше, наградата за најдобар тим отиде кај Барселона, која претходната сезона ја заврши со тројна круна – Примера, шпански куп и Лигата на шампионите.
За најдобар фудбалер во Примера е избран Лионел Меси од Барселона, пред Кристијано Роналдо од Реал Мадрид и Луис Суарез (Барселона).
Најдобар тренер е Луис Енрике, кој не беше присутен на церемонијата на доделување награди, а фудбалери на Реал Мадрид се избрани за најдобри играчи од одбраната и средниот ред.
Рамос доби наградата за најдобар дефанзивец, а Хемес Родригез за најдобар на средината на теренот.
Признанието за најдобар голман е за чуварот на мрежата на Каталонците, Клаудио Браво.
Најдобар африкански фудбалер во Примера е играчот на Валенсија алжирскиот интернационалец Софијан Фегули.
Уште еден играч на Барселона доби признание. Нејмар е прогласен за најдобар јужноамерикански фудбалер во шпанскиот фудбал за минатата сезона.