Роман Абрамович ги има фудбалерите коишто заработуваат најмногу во Премиер-лигата во една сезона, а за натпреварувачката 2014/2015 потрошил 215,6 милиони фунти, односно точно 301 милион евра.
Со овие пари Челзи е наоѓа на врвот, а е следен од Манчестер Јунајтед (284 милиони евра), Манчестер Сити (271 милион евра) и Арсенал (270 милиони евра).
Ова се дефинитивно големи суми коишто екипите ги двојат за платите на своите фудбалери. Сепак, овие средства фудбалерите на Челзи комплетно ги оправдаа бидејќи во сезоната 2014/2015 ја освоија титулата во Премиер-лигата, а го освоија и Лига купот на Англија. Со овие трофеи дефинитивно работите беа позитивни и токму поради тоа имаше и заработувачка.
Доколку се пресметаат сите средства што биле заработени и потрошени тимот на Челзи е во плус од 58,8 милиони евра. Овој плус е направен од трансферите на Ромелу Лукаку (Евертон), Андре Ширле (Волфсбург) и Рајан Бертран (Саутемптон). Дел од парите што беа заработени беа потрошени за ангажирањето на Диего Коста и Цеск Фабрегас. Сепак, и покрај сето ова заработувачката е нешто помала во однос на претходната сезона кога Челзи имаше плус од 80 милиони евра.
БАКА, КАКО ОПЦИЈА ЗА НАПАДОТ
Колумбиецот кој игра за Милан, Карлос Бака, е една од опциите за засилување на нападот во текот на јануари. Од Челзи се подготвени да понудат 30 милиони евра за да го ангажираат напаѓачот, кој пред да дојде во Милан имаше одлични настапи во Севиља.
Сумата од 30 милиони евра беше платена од страна на „росонерите“ во текот на минатото лето, па затоа и сега се смета дека истата сума ќе биде доволна за да може да дојде Бака кој би требало да биде конкуренција за Диего Коста во нападот.
Гус Хидинк не смета на Лоик Реми, кој ќе се пресели во некој друг тим на островот, а ниту Фалкао не одговора на она што Холанѓанецот го планира во нападот во продолжението од сезоната.