Давид Бабунски повеќе не е член на славната Барселона. По 10-годишна верност, фудбалерот се раздели од шпанскиот гигант. Со своите 21 години Македонецот не ја доби соодветната шанса и разделбата беше очекувана.
Иако беше пријавуван и во Лигата на шампионите и за натпреварите во шпанскиот шампионат, сепак, нема ниту еден настап за првата екипа на европскиот шампион, а Бабунски пред еден месец беше поврзуван со трансфер на белградската „Маракана“ односно во Црвена Звезда, заедно со неговиот брат Доријан.
Но, што имаа да кажат странските медиуми за заминувањето на Давид од Барселона по 10 години поминати кај Каталонците?