Италијанскиот тренер Роберто Манчини ќе добие отказ во Интер ако не избори трето место во Серија А, и со тоа учество во квалификациите за Лигата на шампионите.
Медиумите на Апенините наведуваат дека раководството на клубот по болниот пораз од градскиот ривал Милан го загубило трпението со Манчини, бидејќи Интер од борба за врвот се симна на петтата позиција.
Претседателот Ерик Тохир го означи пласманот во Лигата на шампионите како приоритет, бидејќи со учество во елитното натпреварување, клубот ќе ја подобри финансиската состојба.
Се шпекулира дека Интер веќе подготвил и замена за Манчини, а тоа е тренерот на Атлетико Мадрид, Диего Симеоне кој неколку пати има изјавувано дека еден ден би сакал да се врати во тимот каде настапуваше три сезони.
На последните шест натпревари од Серија А, Интер има само една победа и девет бода негатива во однос на лидерот Наполи.