Фудбалерот на Манчестер Сити од средниот ред Давид Силва е неизвесен за натпреварот против Динамо Киев во Лигата на шампионите кој треба да се одигра следната седмица. Тој заработи повреда на дуелот со Лестер и сега ќе мора на мирување од барем две недели.
„Ова е обновување на стара повреда. Му беше тешко да се врати на краток рок така што сега одново има проблеми. Тој е неизвесен за дуелот против Динамо Киев и поголема е веројатноста да го пропушти овој натпревар. Што се однесува за точниот период за пауза, ќе биде познато деновиве. Се надеваме дека паузата нема да биде многу долга“, вели менаџерот на Манчестер Сити, Мануел Пелегрини.