Во англискиот ФА куп вечерва се игра еден од двата повторени дуели од 4.коло. Ливерпул гостува кај Вест Хем, откако на првиот натпревар двата тима одиграа без голови 0:0.
Победникот од овој дуел во следното коло на 21 февруари ќе гостува кај Блекбурн.
Оваа сезона двата тима одиграа три натпревари, а Вест Хем победи на два од Премиер лигата (3:0 и 2:0), додека Ливерпул не постигна гол на ниту еден од трите дуели.
Во таборот на Ливерпул на клупата ќе биде менаџерот Јирген Клоп (поради операција не беше во саботата со Сандерленд), а најавено е и враќање на повредените играчи Филипе Кутињо, Дивок Ориги и Даниел Стариџ.
Почетокот на натпреварот е во 20:45 часот.
Утре се игра вториот повторен дуел меѓу Питерборо и ВБА.