Фудбалерите на Севиља се пласираа во финалето на Шпанскиот куп, откако синоќа во реванш полуфиналето одиграа нерешено 2:2 на гостувањето кај Селта и со вкупни 6:2 го елиминираа ривалот.
Со двата гола на Иаго Аспас (35 и 55.минута), Селта поведе со 2:0, но потоа Енер Банега (57.минута) намали на 2:1, а конечниот резултат го постави Евген Конопјанка (87.минута).
Противник на Севиља во финалето ќе биде Барселона, која со вкупни 8:1 беше поуспешна од Валенсија.
Финалниот натпревар ќе се одигра на 21 или 22.мај најверојатно во Мадрид.