Леонард Жута и неговата Риека со триумф го стартуваа пролетниот дел од шампионатот на Хрватска.
Левиот бек ги одигра сите деведесет минути во триумфот од 2:0 на домашен терен над Локомотива, во кој домаќинот доминираше и заслужено стигна до победа. Стефан Ристовски не беше дел од овој дуел. Со триумфот Риека ја забележа дванаесеттата победа сезонава и е прва на табелата, но Динамо треба да го одигра својот дуел викендов.
Од друга страна, пак, Александар Тодоровски и неговиот Заглебје на гостувањето кај Рух, ремизираа без голови, а и во овој случај левиот бек ги одигра сите деведесет минути. Заглебје е што се вели во „златната“ средина на табелата.
Јавноста во Македонија сè уште е во исчекување да започнат грото од шампионатите каде што настапуваат нашите интернационалци, а викендов ќе може да ги следиме Александар Трајковски кој со својот Палермо ќе го пречека тимот на Торино, потоа ќе се надеваме дека Пандев конечно ќе добие минутажа, како и Абдурахими, додека Шиков стандардно е во првите единаесет на Австрија Виена.