Рим, 14 февруари 2016 (МИА) - Фудбалерите на Јувентус забележаа минимална победа над Наполи во дерби дуелот од 25. коло на шампионатот на Италија.
Во израмнет дуел, клучниот момент се случи во 88. минута кога Симоне Заза го постигна единстениот гол на натпреварот за победа на Јувентус од 1:0. Со овој триумф „Старата дама“ ја презеде првата позиција на табелата токму од Наполи.
Покрај овој натпревар вчера се одиграа и средбите Емполи – Фрозиноне 1:2 и Киево – Сасуоло 1:1.
Останатите пет натпревари на програмата се денеска, а во нив ќе играат: Милан – Џенова, Палермо – Торино, Сампдорија – Аталанта, Удинезе – Болоња и Фиорентина – Интер.
Табела: Јувентус 57 бодови, Наполи 56, Рома 47, Фиорентина 46, Интер 45, Милан 40 ...