Фудбалските репрезентации на Италија и на Шпанија во пријателски дуел синоќа во Удине одиграа без победник 1:1.
Двете селекции се наоѓаат во група со Македонија за претстојните квалификации што нашата селекција ќе ги игра за Светското првенство во Русија 2018 година. Италија поведе во 68. минута преку Лоренцо Инсиње, а две минути подоцна изедначи Ариц Адуриз.
Од другите ривали на нашата репрезентација од групата Изреал загуби на гостувањето кај Хрватска со 2:0, а Лихтенштајн одигра нерешено 0:0 со Гибралтар. Овие два дуела се одиграа во средата.
Од другите поинтересени пријателски натпревари од синоќа ги издвојуваме резултатите: Естонија – Норвешка 0:0, Грција – Црна Гора 2:1, Турција – Шведска 2:1, Данска – Исланд 2:1, Украина – Кипар 1:0, Чешка – Шкотска 0:1, Велс – Северна Ирска 1:1.
Вечерва играат: Луксембург – Босна и Херцеговина, Словачка – Летонија, Република Ирска – Швајцарија, Холандија – Франција и Португалија – Бугарија.