Репрезентативецот на Белгија и играч на Челзи Еден Азар по променливата форма во која настапува оваа сезона во дресот на „сините“ често беше поврзуван со трансфер во друг клуб. Сепак британски „Тајмс“ пренесе изјава на Азар во која тој истакнува дека сака да остане во Челзи и да работи и со новиот менаџер Антонио Конте.
Ланската сезона Азар беше прогласен за најдобар играч во Премиер лигата, но оваа сезона нема постигнато гол и има само три асистенции.
Како можни клубови каде Азар би ја сменил клупската боја беа споменувани Реал Мадрид и ПСЖ.
Белгискиот репрезентативец во Челзи дојде во летото 2012 година од Лил.