Новите шампиони од Премиерлигата, Лестер Сити потврдија дека славниот италијански тенор, Андреа Бочели ќе пее на „Кинг Пауер“ стадионот пред мечот против Евертон овој викенд, кога ќе се слави освоената титула
Според клубот, Италијанецот ќе ги забавува фановите на Лестер со две оперетски теми: „Несум дорма“ и„Кон те патиро“. Бочели се согласил да настапи откако му ветил на Клаудио Раниери дека ќе го направи тоа кога двајцата разговарале пред шест недели.
„Тој ме повика пред два месеци и беше задоволен од тоа што го гледа со Лестер. Го запрашав дали ќе сака да пее за нас, а тој едноставно рече: ’Зошто да не’. Со Андреа се знаеме одамна, кога бев на неговиот концерт на Вембли. Не сум сигурен дали добро се сеќава“, изјави Раниери.