Селекторот на Италија, Антонио Конте, им дал на фудбалерите список на храна која треба да ја избегнуваат за време на подготовките и натпреварите на Европското првенство во Франција. Во списокот на забранети продукти влегоа: пица, паста (со исклучок на тие подготвени со определена сорта на пченица), грисини, моркови, сладолед, чипс, кроасани и слатки.
Ова не е новина од Конте. Уште додека беше тренер на Јувентус на играчите им ги забрануваше овие продукти, а здравиот начин на исхрана ги подобри перформансите на играчите кои доминираа во Серија А. Конте по ЕП ќе го напушти националниот тим и ќе го преземе Челзи.