Екипата на Барселона по 28.пат во својата историја го освои фудбалскиот Куп на Шпанија. Во финалниот натпревар одигран синоќа на „Винсенте Калдерон“ во Мадрид, фудбалерите на Барселона забележаа победа над Севилја со 2:0 по продолженија.
Головите беа постигнати по две асистенции на Лионел Меси. Најпрво Џорди Алба погоди во 97.минута, а победата на каталонскиот тим ја потврди Нејмар во 120+2 минута.
Барселона од 36.минута остана со играч помалку откако директен црвен картон заработи Хавиер Маскерано, а силите на теренот беа израмнети во 90.минута по црвениот картон на Евер Банега. Во 120.минута исклучен беше уште еден играч на Севиља, Даниел Карико, па Андалузијците натпреварот го завршија со девет фудбалери.