Аргентинецот Хавиер Маскерано, во летниот преоден рок ќе ја напушти Барселона и ќе се пресели во Јувентус, тврди каталонскиот весник „Спорт“.
Како што пишува весникот, Маскерано треба да биде дел од проектот, кој на „Старата дама“ ќе и ја донесе титулата во Лигата на шампионите.
Италијанскиот првак понудил подобри финансиски услови од оние кои Маскерано ги има во Барселона.
31-годишниот Маскерано пред шест години пристигна во Барселона од Ливерпул и вкупно освоил 15 титули со каталонскиот клуб, вклучувајќи и две во Лигата на шампионите и четири во Примера.
За аргентинската репрезентација одиграл 123 натпревари, има два златни медала од Олимписките игри (2004, 2008).