Напаѓачот на Атлетико, Антоан Гризман може да стане фудбалер на „Јорганџиите“ со најмногу погодоци во една сезона во Лигата на шампионите. Францускиот репрезентативец треба да даде два гола во финалето, за да избие на првото место во таа категорија.
Гризман трипати даде по два гола оваа сезона во ЛШ, а на контото моментално има седум. Рекордер е Радамел Фалкао со осум.
„Мораме да бидеме концентрирани секоја секунда од мечот. Ќе го дадеме најдоброто од себе, ќе се бориме за секоја топка и ќе се обидеме први да дадеме гол. Знаеме дека со Торес нема да имаме многу шанси пред противничкиот гол и затоа мораме да работиме и во средниот ред но и да ја користиме секоја можност која ќе ни се пружи во нападот. Треба да бидеме психички и физички силни. Очекувам одличен натпревар, но и да постигнам гол за победа. Тоа би било фантастичен крај на сезоната за мене и за клубот“, вели Гризман.