Новиот тренер на Манчестер Јунајтед, Жозе Мурињо, почнува со „чистењето“играчи, кои нема да бидат во неговите планови за следната сезона. Португалскиот стратег беше доведен на „Олд Трафорд“ за да го врати клубот на победнички патеки. Откако од Јунајтед си замина легендарниот менаџер сер Алекс Фергусон, тимот не може ниту да припари до шампионскиот трофеј, па токму затоа е доведен Мурињо.
Мурињо испрати список од дури 11 играчи на кои не планира да ги има во своите планови за следната сезона. Тоа значи дека точно еден тим ќе си замине, доколку челниците на клубот ги прифатат сугестиите на стратегот.
Очекувано, предводник на листата на „непогодни“ е Хуан Мата, а таму се и Лук Шо, Андер Ерера, Мемфис Депај, Бастјан Швајнштајгер, Маруан Фелаини, Мајкл Керик, Гиљермо Варела, Маркос Рохо и голманот Серхио Ромеро. Тренерот уште не решил каква ќе биде иднината на Матео Дармијан и Антонио Валенсија.
НА СУД ПОСТИГНАТ ДОГОВОР СО КАРНЕИРО
Челзи и поранешниот клупски менаџер Жозе Мурињо во судот во Лондон постигнаа договор со поранешната докторка на тимот Ева Карнеиро. Докторката ги тужеше клубот поради раскин на договорот и Мурињо поради дискриминација.
Во понеделникот таа одби отштета од 1,2 милиони фунти, а вчера се откажа од процесот бидејќи постигна договор со Челзи, а нејзиниот адвокат рече дека условите се строго доверлива тајна.