Напаѓачот на Шведска, Златан Ибрахимовиќ објави дека ќе се повлече од националниот тим по завршувањето на Европското првенство во Франција. Шведска вечерва игра против Белгија што може да биде последен меч за шведскиот ас со оглед на тоа дека со пораз и со реми „Викинзите“ се пакуваат за дома.
„Ова се последните мои настапи за Шведска. По завршувањето на ЕП се повлекувам. Само се надевам дека вечерашниот меч со Белгија нема да ми биде последниот“, изјави Ибрахимовиќ.
Уште пред неколку месеци се зборуваше дека Ибрахимовиќ ќе биде член на Олимписката фудбалска репрезентација на Шведска која ќе настапи на Игрите во Рио во август но тоа нема да се случи.
„Не е лесна одлука но морам да пресечам. Толку е. Време е да се посветам на клупскиот фудбал и да размислувам за завршување на кариерата“, вели 34-годишниот шведскиот фудбалер кој има 62 гола за репрезентацијата што преставува национален рекорд.
Ибрахимовиќ го напушти ПСЖ и веројатно негова идна дестинација ќе биде Манчестер Јунајтед. За овој трансфер напаѓачот треба да го потврди по завршувањето на ЕП во Франција.