Најдобар стрелец на премиерлигашот Лестер, Џејми Варди го продолжи договорот до 2020 година, објави денеска англискиот шампион.
Варди на овој начин ги прекина шпекулациите за можен негов трансфер во Арсенал.
Според новиот договор со Лестер, тој ќе заработува 100.000 фунти неделно.
Англискиот напаѓач со 24 постигнати гола минатата сезона беше еден од клучните играчи на Лестер во сензационалниот поход кон титулата шампион на Англија.
Варди игра за Лестер од 2012 година, а претходно беше член на нисколигашите Флитвуд и Халифакс.