Напаѓачот на Атлетико Мадрид и Франција, Антоан Гризман го продолжи договорот до 2021 година, објави клубот од „Висенте Калдерон“. Со тоа францускиот репрезентативец ја потврди желбата да биде дел од проектот на Атлетико и во следните години. Според новиот договор, откупната клаузула изнесува 100 милиони евра.
„Многу сум задоволен што продожувам да бидам дел од ова семејство. Секоја години целта ми е да бидат подобар, а клубот и тренерите ми помагаат во тоа“, изјави Гризман.
Гризман пристигна на „Висенте Калдерон“ пред две години од Сосиедад, а иако е роден во Франција никогаш не играл професионално за француски клуб. Настапувал за младите категории на ПСЖ пред да премине во Сосиедад и таму да добие шанса во првиот тим.