Репрезентацијата на Велс е во четврт-финалето на Европското првенств во Франција, откако во островското дерби со минимални 1:0 ја совладаа Северна Ирска
Герет Бејл не успеа да постигне гол и да продолжи со серијата на погодоци, но тој ја нафрли топката после која МекОули го совлада својот голман. Северна Ирска практично сама се порази на овој дуел на кој нијанси одлучија кој ќе успее да дојде до победата.
И Велс и Северна Ирска одиграа добар натпревар, но еден нафрлен удар и интервенција во обид да се биде побрз до топката од противничкиот фудбалер беа причина за Ирците да го совладаат сопствениот голман.
Велшаните успеаја да го искористат овој момент, а Северна Ирска не успеа да најде начин како да го совлада Хенеси, па на крајот Велс беше репрезентацијата која се радуваше на осминафинале и втора селекција која обезбеди место во четврт-финалето.
Ова е огромен успех за Велс, селекција која како дебитант дојде на овој шампионат, го освои првото место во тешка група, а потоа совлада и селекција од островот. На тој начин е дефинитивно јасно дека и во четврт-финалето ќе има барем еден дебитант, а противникот ќе биде познат утревечер кога се игра мечот меѓу Унгарија и Белгија. Победникот ќе игра против Велс во петок од 21 часот.
ВЕЛС – СЕВЕРНА ИРСКА 1:0
МекОули 75’(аг)