Чилеанската фудбалска репрезентација втор пат во низа ја освои шампионската титула во престижното натпреварување Копа Америка. Ноќеска во Ист Рутерфорд, Чиле на пенали ја победи Аргентина и го задржа тронот на натпреварувањето на американските континенти.
По основните 90 и дополнителните 30 минути во финалето резултатот беше нерешен 0:0, па се пријде кон удари од белата точка. За Чиле единствено не реализира Артуро Видал во првата серија, а за Аргентина не погодија Лионел Меси во првата и Лукас Родриго во четвртата серија. На крајот Чилеанците славеа со 4:2.
Двете репрезентации средбата ја завршија со фудбалер помалку поради исклучувањата на Марсело Диаз од Чиле(28.минута) и Фаустино Рохо (43) Аргентина.
Во дуелот за третото место Колумбија во саботата беше поуспешна од домаќинот САД со 1:0.