Англија уште еднаш се покажа како најголемото разочарување на Европското првенство. „Гордиот Албион“, кој никогаш не бил на тронот на континенталното натпреварување, мораше да ги спакува куферите и да си замине уште по осминафиналната фаза. Пред почетокот на турнирот тие беа меѓу фаворитите за највисок пласман. Во квалификациите беа перфектни со 10 победи во низа, а и во групната фаза не игра лошо.
Сепак, изненадувачки беа поразени од дебитантот Исланд со 2:1 во првиот меч од нокаут системот. Земјата која има само 330.000 жители одржа лекција на колевката од каде потекнува фудбалот. Веднаш по поразот, селекторот на Англија, Рој Хоџсон, си поднесе оставка.
САУТГЕЈТ ЌЕ БИДЕ ПРИВРЕМЕНО РЕШЕНИЕ
Сега челниците на англиската федерација се во потрага по наследник на Хоџсон. Постојат многу кандидати, стратези кои се наведуваа дека може да седнат на селекторското столче. Еден од оние кои се меѓу главните кандидати е менаџерот на Арсенал, Арсен Венгер. Францускиот стратег веќе 20 години е на чело на „топчиите“, работи во Англија и многу добро ги познава состојбите во фудбалот во земјата.
Сепак, Венгер има договор со Арсенал до јуни 2017 година. Постои опција дури Англичаните да чекаат и една година за Венгер да биде слободен, па да почне со работа во националниот тим. Доколку тоа се случи, како времен селектор на Англија ќе биде назначен Герет Саутгејт, кој ќе го води тимот во квалификациите за Светското првенство во Русија кое ќе се игра во 2018 година.
АРСЕН ИМА 1.556 МЕЧА КАКО ТРЕНЕР НА „ТОПЧИИТЕ“
Во октомври оваа година, Венгер ќе прослави јубилеј од точно две децении работење во Англија и тоа само во лондонскиот тим. Статистиката покажува дека досега ја водел екипата на 1.556 средби, а има биланс од 842 победи, 344 нерешени и 370 порази. тоа претставува 54,1 отсто победи во текот на овие 20 години. Венгер досега никогаш