Капитенот на Португалија, Кристијано Роналдо, рече дека му паднало тешко кога го видел неговиот голем ривал Лионел Меси расплакан по финалето на Копа Америка.
Меси со Аргентина пред пет дена го загуби финалето од Чиле и не успеа да освои трофеј со националниот тим на големо натпреварување по што објави крај на репрезентативната кариера.
- Тој донесе тешка одлука, но луѓето мора да сфатат дека тоа е негов избор мора тоа да го прифатат. Тоа што доведе до таква одлука е фактот дека Меси не е навикнат на порази и разочарувања, не е навикнат да биде втор. Од друга страна, ако сте утнале пенал тоа не ве прави лош играч. Многу тешко да се види Лео со солзи во очите. Се надевам дека ќе се врати, бидејќи му е потребен на тимот, неговата земја и неговите соиграчи, изјави Роналдо.
Поразот на Аргентина со Меси во тимот е четврти на големите првенства, три се во Копа Америка и еден на Мундијалите.