„Дојдовме во Загреб по чудо и бевме блиску до него. Постигнавме два гола, двапати водевме, и во Скопје и тука докажавме дека овој Вардар е тим за големи работи. Но ете ни се случи Динамо Загреб и за нас оваа несреќна елиминација.
Сакам да кажам дека за едно вакво натпреварување и натпревари беа досудни два многу лесни пенали, од кои според мене првиот беше многу спорен, додека вториот фатален за нас и главна причина поради која ние тука ја завршуваме нашата мисија во Европа“, изјави Гоце Седлоски, кој на прашањето зошто го извади Дарко Велковски во 71. минута, тој одговори.
„Не сум луд да го извадам најдобриот играч на теренот. Оваа беше негова ноќ, негов натпревар, но немаше сили за 90 минути и сам побарам измена им честитам на моите фудбалери кои изгинаа машки, а на Динамо им посакувам среќа и да го минат Динамо Тбилиси“.