Екипата на Рома реши да задржи тројца од играчите кои во минатата сезона беа меѓу главните во екипата. Тренерот на „римската волчица“, Лучано Спалети, потврди дека Костас Манолас и Един Џеко ќе останат во клубот и за новата сезона. За Манолес се интересираа неколку клубови, додека се шпекулираше дека Џеко ќе си замине поради слабите игри.
„Многу е јасна работата. Манолес останува во нашиот тим. Џеко е играч кој сака да се докажува. Минатата сезона имаше добри моменти, но и лоши моменти. Верувам дека во новата сезона ќе биде подобар“, рече Спалети.
На голот на Рома ќе остане и Војчех Шчесни, кој се договори да брани како позајмен од Арсенал. Полјакот минатата сезона се покажа во добра форма, па затоа за сума од еден милион евра останува на „Олимпико“.