Фудбалерите на Манчестер Јунајтед имаа многу проблеми за време на својот престој во Кина, каде требаа да одиграат неколку пријателски натпревари, поради кои експресно се вратија во Англија, а Жозе Мурињо веднаш ги „почести“ играчите со тренинг. Португалецот беше незадоволен од оваа турнеја и додаде дека беспотребно се трошат играчите наместо да се подготвуваат за новата сезона.
„Натпреварите во Кина беа за маркетинг и ноќна мора за нас. Додека јас сум тренер таму нема да се враќаме. Сега мораме да го надополнуваме времето изгубено во Кина“, вели Мурињо.
А Јунајтед во Кина изгуби од Борусија Дортмунд, имаше принудно слетување на патот од Шангај до Пекинг поради временски неприлики, а потоа мечот со Манчестер Сити беше откажан.