Англиската фудбалска федерација воопшто не размислува да воведе зимска пауза во Премиерлигата барем до завршување на сезоната 2018/19, објасни извршниот директор на ФА, Мартин Глен. Според челниците на ФА, ништо не смее да се менува во распоредот се до јуни 2019 година, до кога трае договорот за телевизиските права.
Идејата за воведување на зимска пауза повторно ја актуелизираше новиот селектор Сем Алардајс, кој вели дека мора да има пауза за да се одморат играчите пред и по новогодишните и Божиќните празници.
„Ако англиската федерација навистина смета дека е потребно да се воведе зимска пауза, тоа ќе се случи и пред завршување на договорот кои го имаат со телевизиските права во 2019 година. Потребна е таа пауза“, рече Алардајс.
Англиската Премиерлига е единствената во Европа која нема никаква пауза околу Нова година. тие тогаш имаат дури и натрупан распоред на мечеви и сето тоа е поради телевизиските права и спонзорствата кои се добиваат.