Аргентинскиот репрезентативец Хавиер Маскерано го продолжи договорот со Барселона, официјално беше потврдено од таборот на шпанскиот првак. искусниот дефанзивен играч за врска потпиша нов тригодишен договор кој ќе го обврзе да остане на „Камп Ноу“ до јуни 2019 година.
Аргентинецот дојде во редовите на каталонскиот гигант во 2010 година, кога беше купен од англискиот премиерлигаш Ливерпул. Според новиот договор, Маскерано ќе добива поголема плата и затоа решил да остане во клубот.
Интересно е тоа што за овие шест години поминати во Барселона, Маскерано се израдувал на сите највредни трофеи, но досега нема постигнато ниту еден погодок.