Гонзало Игуаин предизвика бура од негодување во Наполи со трансферот во редовите на шампионот Јувентус за 90 милиони евра, а навивачите и луѓето од клубот го нарекоа предавник и неблагодарник. Но по жестоките коментари на негова сметка, Игуаин реши да ги каже причините поради кои си заминал од градот од под Везув и се пресели во гигантот од Торино.
„Морам да кажам дека не беше моја одлуката да заминам туку на Де Лаурентис кој едноставно ме принуди да го напуштам клубот. Сакам да им се заблагодарам на навивачите, тренерите и соиграчите, но не и на првиот човек на клубот. Со него не сум во добри односи. Не можам да издржам ниту минута покрај него“, вели Игуаин кој го напушти Наполи по три години.
„Поминав три години во Наполи и уживав играјќи за клубот но оваа одлука морав да ја донесам. Знам дека многумина се лути на мене. Сари не научив многу и под негово водство имав одлични изданија, а сигурно тој е најлутиот што заминав без да се поздравам. Му се извинувам на тоа и му благодарам на се што направи за мене“, додаде Аргентинецот кој во дресот на Наполи запиша 71 гол во 104 лигашки натпревари уривајќи го рекордот од 36 гола во 35 натпревари минатата сезона.