Српскиот фудбал денес го потресе нов скандал, откако во медиумите се појави веста дека Драган Чапеља, инаку функционер на женскиот фудбалски клуб Војводина и влепил шлаканица на фудбалерката на Црвена Ѕвезда, Невена Миладиновиќ (18).
Нападот настанал по натпреварот помеѓу Војводина и Црвена Ѕвезда, кога Чапеља и се доближил на девојката и ја удрил зошто заедно со другите соиграчки ја славеле победата од 3:1.
-Ова е нечовечко однесување на човек кој дури е и службено лице. Удрил девојка која убедливо е една од најдисциплинираните во тимот, дете за пример кое само што наполни 18 години, одликувана репрезентативка на Србија, дете на исклучителни родители, дете на Ѕвезда, велат од управата на тимот.
Случајот е пријавен во полиција, по што Чапеља е повикан на разговор каде наводно признал дека ја удрил девојката поради тоа што не му се допаѓало како ја прославуваат победата.
-Можам само да кажам дека имаше инцидент и ништо повеќе. Немам друг коментар. Имаше провокации од нивна страна, но сега сè e решено, изјави тој за медиумите.