Голманот на Њукасл, Тим Крул, би можел да го облече дресот на Ајакс откако стана јасно дека Јаспер Силесен во новата сезона ќе биде дел од екипата на Барселона. Крул брани за Њукасл, кој игра во Чемпионшип лигата, но посакува да биде дел од клуб кој ќе игра во Европските купови, па затоа планира да ја смени средината.
Се работи за искусен голман кој е дел и од репрезентацијата на Холандија. Со оглед на тоа што имаше тешка повреда и ја пропушти ланската сезона сега во Ајакс би можел да се врати во форма и одново да конкурира за националниот тим.
Во својата сениорска кариера, Крул нема играно во Холандија. Како младинец бил дел од тимот на Ден Хаг, а член на Њукасл е од 2005 година, а во моментов има 28 години.