Голманот на холандската фудбалска репрезентација и член на Ајакс, Јаспер Силесен денеска допатува во Барселона да го официјализира договорот со каталонскиот клуб.
До ставање на потписот и обврзување кон шпанскиот шампион Силесен го делат уште лекарските прегледи. Тој на „Камп Ноу“ доаѓа како замена за Клаудио Браво кој замина во Манчестер Сити.
За неговото обештетување Барселона на Ајакс ќе му исплати 14 милиони евра, пренесуваат шпанските медиуми.
Силесен кариерата ја почна во Де Треферс, а како младинец настапуваше и за Нец, клуб од каде во 2011 година прејде во Ајакс.
За репрезентацијата на Холандија има 30 настапи.