Една недела по дербито со Фиорентина екипата на Јувентус ја очекува уште еден потенцијално незгоден противник, римскиот Лацио. Шампионот не дојде до победа над Виола (2:1) без нималку мака. Ривалот 20 минути пред крајот успеа да израмни, но, сепак, во најголемиот дел од средбата беше доминантен. Од друга страна, и римјаните мораа да се потрудат во Бергамо, на гостувањето кое обично не им лежи, но на крајот славеа со резултат 4:3, што е прилично значајно за тим кој во првиот дел од минатото првенство играше катастрофално надвор од Олимпико.
Тренерот на Лацио, Симоне Инзаги, нема премногу проблеми со повредени играчи бидејќи и Сенад Лулиќ би требало да биде подготвен за настап, но има проблеми со однесувањето на Кеита Балде. Младиот напаѓач од Сенегал е обвинет дека одглумил повреда поради која не играл во Беграмо, а според пишувањата на медиумите во Италија зад сето тоа стои неговата желба за подобрување на договорот или трансфер во клуб во кој би добивал поголема плата.
Во споредба со минатата сезона ниту Масимилијано Алегри нема сериозни неволји со повредени. Во аут се само играчите од средниот ред Стефано Стураро и Клаудио Маркизио, кој е подолго време веќе надвор од терените. Старата дама доби десет од последните 11 меѓусебни дуели (од тоа седум во низа) и е фаворит и на овој меч. Би можело да паднат и 2-3 гола, па ако сакате комбинирајте.