Оптимизмот на навивачите на Ливерпул траеше кратко по одличната партија на нивните миленици на Емирати. Траеше само една недела, односно до поразот на гостувањето кај Барнли. Сепак, доколку „црвените“ победат на ова дерби со Тотенхем нема сомнеж дека ќе се најдат приврзаници на екипата на Јирген Клоп, кои одново ќе се раздвижат.
Сепак, петлите ќе дадат сè од себе за да ја спречат радоста на гостите иако традицијата не е на нивна страна. Не само што Ливерпул има подобри резултати во меѓусебните дуели туку Тотенхем нема победа на нив веќе четири години.
Додека домашните беа слободни во текот на неделата нивните противници имаа обврски против Бартон во Лига купот и рутински одработеа со 5:0. Кога станува збор за проблеми, менаџерот на Тотенхем, Маурисио Покетино, не може да смета само на голманот Уго Лорис, кој се повреди уште во 1. коло и ќе паузира уште две недели. Секако, во тимот нема да биде ниту Муса Дембеле, кој одработува шест меча суспензија уште од минатата сезона.
Од друга страна, Јирген Клоп нема таква среќа бидејќи списокот на повредени играчи во Ливерпул е многу подолг, но и тоа како може да го радува враќањето на Даниел Стариџ, кој против Бартон одигра помалку од пола час и двапати се запиша меѓу стрелците.
Јасно е дека овде ниту еден резултат нема да биде изненадување, но нам единица ни делува најреално. Доколку се сомневате во домашните тогаш определете се за ГГ.