Откако го продадоа Жоао Марио за 45 милиони евра во Интер, челниците на Спортинг од Лисабон експресно брзо потрошија 12 милиони од заработените. Тие отидоа на сметката на Волфсбург, а оттаму кон Лисабон се упати напаѓачот од Холандија, Бас Дост.
Дост си замина од Волфсбург на лична иницијатива откако не успеа да се види како првотимец по доаѓањето на марио Гомез.
Холанѓанецот беше дел од тимот во минатите четири години и за овој период успеа да покаже многу работи. Има една пеколна недела во која на три средби постигна осум гола, но имаше и 11 гола на шест средби во Бундес лигата.
Сепак, остана и фактот дека честите повреди го оставија без можност да го покаже најдоброто.