Најтрофејниот шпански клуб, Реал Мадрид, стигна до четвртата победа во низа во шпанската Примера дивисион откако победи со 2:0 кај Еспањол. Иако беа без своите најдобри двајца играчи, Кристијано Роналдо и Герет Бејл, „Кралскиот клуб“ немаше проблеми на гостувањето во Барселона.
Реал е перфектен не само сезонава, туку веќе со месеци. Избраниците на тренерот Зинедин Зидан веќе 16 кола по ред знаат само за победи. Со овој скор, Зидан го израмни рекордот на Пеп Гвардиола, кој во сезоната 2010/11 нареди 16 победи по ред со Барселона.
Серијата на триумфи започна во март, кога Реал со 3:1 го победи Леванте со 3:1. Ланската сезона Реал ја заврши со 12 победи, а сега и во новото првенство има четири триумфи во низа.
Реал повеќе од 200 денови знае само за победи во Примера дивисион. Шанса да се надмине рекордот на Барселона, „кралевите“ ќе имаат утре, кога на својот „Сантијаго Бернабе“ го пречекуваат Вилјареал.