Поразот од Вотфорд, што беше трет по ред, предизвика бура од негодување кај навивачите на Манчестер јунајтед, а медиумите го дочекаа моментот да упатат серија критики кон стратегот Жозе Мурињо. Но Португалецот е свесен дека екипата е далеку од саканата форма и покрај големите вложувања, но и дека треба време сите да бидат на врвно ниво и да прикажуваат игра за која се платени.
„Некои играчи чувствуваат голем притисок и огромна одговорност. Ја почнавме сезоната добро, но ниту еднаш не помислив дека мојот тим е спремен, совршен и непобедлив. Свесен сум дека не сме перфектни и дека имаме многу играчи кои не се ’формирани производи’ и кои можат да погрешат“, изјави Мурињо.
В среда Јунајтед му гостува на Нортемптон во рамките на Лига купот, а потоа на свој терен го пречекува шампионот Лестер во Премиер лигата.