Фудбалерите на Челзи по продолжението како гости го победија Лестер со 4:2 во натпревар од третото коло од ЕФЛ купот (Лига куп), откако во регуларниот дел беше 2:2, а Лестер водеше и со 2:0.
Лестер поведе со двата гола на Шињи Оказаки (17 и 34.минута), а до крајот на првиот дел Челзи намали преку Гери Кејхил (45+2). Цезар Азпиликуета изедначи (49) на 2:2, а головите за победа ги постигна Цеск Фабрегас во продолжението (92 и 94). Лестер дуелот го заврши со десет играчи откако Марцин Василевски беше исклучен во 89.минута поради втор жолт картон.
Со овој триумф Челзи избори пласман во осминафиналето.
На другите дуели од оваа рунда одиграни синоќа беа постигнати следниве резултати:
Бурнемут – Престон 2:3 по продолжение,
Брајтон – Ридинг 1:2,
Дерби Каунти – Ливерпул 0:3,
Евертон – Норвич 0:2,
Лидс – Блекбурн 1:0,
Њукасл – Вулверхемпмтон 2:0 и
Нотингем Форест – Арсенал 0:4.
Вечерва ќе биде комплетирана оваа рунда со натпреварите:
Фулам – Бристол,
Нортхемптон – Манчестер Јунајтед,
КПР – Сандерленд,
Саутемптон – Кристал Палас,
Свонси – Манчестер Сити,
Вест Хем – Акрингтон,
Стоук – Хал и
Тотенхем – Гилингам.