Фудбалерот на Челзи, Еден Азар изјави дека е крајно време тимот да почне да игра подобро, посебно тоа се однесува на одбраната.
„Сините“ од Лондон примија девет голови оваа сезона, вклучувајќи ги и трите од Арсенал минатото премиерлигашко коло.
- Секој натпревар ние бркаме негатива и се обидуваме со пресврт да стигнеме до бодовите. Тоа го направивме против Лестер во Лига Купот, но со Арсенал не можевме. Нема изговор за убедливиот пораз. Веќе имаме многу загубени натпревари и отсега мораме да бидеме подобри. Од можните девет освоивме само еден бод на последните три меча и тоа е разочарувачки. Мора да работиме на тоа што ни е слаба страна, бидејќи не очекуваат дуели со силни противници, изјави Белгиецот.
Челзи во моментов е на 8.место во Премиер лигата со осум бодови заостанување зад лидерот Манчестер Сити.