Дејан Пешевски навистина нема среќа. Само што го продолжи договорот со неговиот тим Подбрезова на куп мечот против тимот на Скалица се повреди во 25. минута и мораше да излезе од игра.
Дополнителните прегледи покажаа дека се работи за потешка повреда односно дека страдале лигаментите на десното колено.
-99 посто е тоа. Скинати лигаменти. Ќе мора да се оперирам и да правам подолга пауза, вели Пешевски. Му посакуваме на младиот играч брзо заздравување и што побргу да се врати на фудбалските терени каде што му е и местото.