Авионот на португалскиот ас Кристијано Роналдо имал незгода во понеделникот при слетувањето во Барселона. Авионот излетал од пистата, но, за среќа, нема повредени
Авионот на фудбалерот на Реал Мадрид, Кристијано Роналдо, имал незгода во понеделникот при обидот да слета во Барселона. Се скршил дел од опремата за слетување, излетало предното тркало, авионот излетал од пистата и завршил во тревата, јавува шпанскиот АС.
Кристијано Роналдо во моментот не бил во леталото, туку со Реал Мадрид бил во Дортмунд каде што одигра 2:2 со екипата на Борусија во рамките на Лигата на шампионите.
Кристијано Роналдо го купи авионот марка „голфстрим 200“ во 2015 година и за него плати околу 20 милиони евра.