Напаѓачот на Реал Мадрид, Кристијано Роналдо успеа да го израмни своето најлошо постигнување во Примера, и тоа уште од есента во 2010 година. Тогаш успеа да постигне гол на само еден од првите четири дуели, а сега одново има три средби на кои е без погодок.
На дуелот против Еибар на кој Реал одигра со резултат 1:1, Роналдо не успеа да се запише меѓу стрелците така што има веќе три натпревари во серија на кои не успеал да ја смести топката во противничката мрежа.
Роналдо во првите две кола не играше поради повреда, а во 3. коло беше болен. Оттаму за него првите четири средби во сезоната беа тие од 4. до 7. коло, па откако постигна гол врза три меча без погодок и одново има лош старт на шампионатот како оној во сезоната 2010/2011.