Англискиот гигант Манчестер јунајтед е на првото место на светот по продажбата на дресови, откако во последните пет години продале дури 1.75 милиони дресови, се вели во анализата на британската „Скај спорт“. На второто место зад премиерлигашот се Реал Мадрид со само 100.000 дресови помалку, додека трети се Барселона со 1.28 милиони продадени дресови.
Топ 5 ги комплетираат Баерн Минхен (1.2 милиони) и Челзи (899.000). Меѓу најдобрите 10 се и Ливерпул (852.000), Арсенал (835.000), ПСЖ (526.000), Јувентус (452.000) и Борусија Дортмунд (393.000).