Од херој до предавник. Тоа е патот на Костадин Захов, голманот на Шкендија, за само 3-4 месеци.
Штета, навистина штета за него, за клубот, но и за навивачите кои го сметаат за директен виновник за поразот на тетовските „црвено-црни“ во неделното дерби со Вардар. Јасно е дека секој пораз боли, особено болат поразите од лутиот ривал, но не смеат некои работи така лесно и така брзо да се забораваат па макар и од најверните фанови на Шкендија.
И затоа сега клубот е на потег. Шкендија треба да биде голема во поразот, познато е дека сите во клубот силно ја посакуваа победата, но сега Шкендија треба да биде голема, треба да се однесува како голем европски клуб и да го заштити својот голман Костадин Захов. Тие што беа на стадионот во Тетово во недела многу добро слушнаа како и што „балистите“ извикуваа против него. Што се пишува по социјалните мрежи за него, демек бил предавник, демек не бил квалитет за Шкендија, дека знаел само киксови да прави и слични работи. Некои, пак, отворено од раководството на клубот бараат дури и да го раскине договорот со Захов.
ИМ ДОНЕСЕ 1.000.000 ЕВРА
Па добро имаат ли барем грам памет тие луѓе што ги бараат сите овие небулози. И затоа велиме дека раководството на Шкендија треба јавно, јасно и гласно да го одбрани својот голман, својот херој од летниот период.
Се сеќаваат ли тие фанови, но и сите оние кои го сметаат Захов за предавник на средбите со Краковија, Нефчи, Млада Болеслав па и Гент?