Експресно заврши продажбата на он-лајн билети организирана преку шпанската фудбалска федерација, а во Гранада се чекаше долга редица за да се купи билет за мечот меѓу Шпанија и Македонија, закажан за 12 ноември.
„Благодариме Гранада", пишува на официјалниот интернет сајт на шпанската федерација, а има објавено и видеоматеријал на кој е очигледен интересот за билети кај градот домаќин на мечот.
Стадионот во Гранада „Лос Карменес“ има капацитет од 23 илјади седишта, а на него веќе се одиграле неколку натпревари меѓу кои Шпанија - Кипар 6:0, Шпанија - Русија 1:0, Шпанија - Бугарија 1:0 и Шпанија - Чешка 2:1.