Екипите на Манчестер Сити и на Челзи го завршија настапот во ЕФЛ (Лига) купот откако синоќа загубија на гостувањата кај Манчестер Јунајтед односно Вест Хем во рамките од осминафиналето.
Во дуелот на екипите од Манчестер, Јунајтед го победи Сити со 1:0, а стрелец беше Хуан Мата во 54.минута. По овој пораз елиминиран е ланскиот освојувач на овој куп – Манчестер Сити.
Вест Хем во дуелот на екипите од Лондон го совлада Челзи со 2:1, а Саутемптон беше поуспешен од Сандрленд со 1:0.
Во вторникот пласман во четвртфиналето изборија: Ливерпул, Арсенал, Њукасл, Лидс и Хал.