Фудбалската асоцијација на Англија ќе казни дел од своите фудбалери поради излетот по квалификацискиот натпревар против Шкотска минатата недела. Како што е познато, „Сан“ објави фотографии од Руни кој во саботата навечер се опил на свадба во хотелот во кој престојувале репрезенативците до таа мера што не можел да зборува ниту да стои, според некои дури се обидувал да им пее на гостите серенади на пијано.
Но, Руни бил единствениот пијан во хотелот, а друга група не го искористиле слободниот ден и да заминат дома туку лумпувале и се пијанчеле во локалните дискотеки до утринските часови во неделата. А Англија во вторникот играше пријателски меч против Шпанија.
Поради нарушување на угледот на репрезентацијата, како и Фудбалската асоцијација, раководните луѓе решиле да ги казнат непослушните фудбалери, како и да им наложат на репрезенативците тотална забрана за алкохол и напуштање на тимскиот хотел во деновите на националниот тим па дури и да нема тренинг.
Потпаролот на Руни прво објасни дека фудбалерот само се сликал со гостите и делел автограми, но не и дека пиел, меѓутоа еден ден подоцна во името на англискиот репрезентативец се извини на фановите и до ФА.
„Руни жали за овие слики со навивачите кои беа објавени во весниците. Иако денот беше слободен за сите играчи и тренери, тој сфати дека тие фотографии не му доликуваат на врвен фудбалер и англиски репрезентативец. Тој лично му се извини на селекторот Саутгејт и на техничкиот директор на ФА Дан Ешворд, како и на сите млади фанови кои ги видоа фотографиите“, изјави потпаролот на Руни.