Чапекоа, 29 ноември 2016 (МИА) - Тројца играчи кои поради повреди или суспензија на се качија на авионот кој леташе за Меделин се појавија на сликата која го обиколи светот и која сведочи за тагата по трагичниот настан со фудбалерите на Чапекоенсе.
На фотографијата, каде што тројцата фудбалери седат на нивните места во соблекувалната, може да се видат празните места на нивните соиграчи кои утрово загинаа по падот на колумбискиот авион во кој животот го загубија 77 лица.
Четири лица ја преживеале несреќата, а меѓу нив се играчите Алан Расел и Џексон Рагнар Фолман, спортскиот новинар Рафаел Хенсел и членот на екипажот Химена Суарез, додека голманот Данило им подлегна на повредите во болница.
Чапекоенсе утре требаше да го игра финалето од Купот на Јужна Америка.